Целта на оваа поткомпонента е да развие одржливи и конкурентни системи за складирање и дистрибуција на храна во корист на производителите, преработувачите, дистрибутерите и потрошувачите. Системите за складирање и дистрибуција на храна што ќе се изградат преку поддршката на проектот ќе го подобрат капацитетот за складирање за да им помогнат на земјоделските производители да се прилагодат на ризикот од екстремни климатски промени со зачувување на нивните производи за време на суровите зими и топли лета.
Под-компонентата ќе го поддржи развојот и операционализацијата на два откупно-дистрибутивни центри, т.е. по еден во општините Ресен и Струмица и логистичко-дистрибутивен центар во Скопје. Поточно, пот-компонентата ќе поддржува: (а) техничка помош за подготовка на физибилити студии и бизнис планови; спроведување на проценки на влијанието врз животната средина и социјалните аспекти; изработка на детални проекти; и планови за надзор на изградбата за сите три објекти; (б) градежни работи за изградба на три објекти; и (в) оперативни насоки за започнување на активности. Објектите се очекува да се градат на државно земјиште и ќе бидат во сопственост на државата.