Активност 1: Воспоставување систем за следење и евалуација на политиките за земјоделство и рурален развој
Целта на оваа активност е унапредување на административните и аналитичките капацитети на Министерството за земјоделство, шумарство и водостопанство (МЗШВ) преку воспоставување на интегриран информатички систем. Системот ќе ги обедини сите релевантни бази на податоци во секторот земјоделство и рурален развој, овозможувајќи подобро следење и евалуација на земјоделските политики. Оваа интегрирана платформа ќе овозможи пристап до точни и навремени податоци за носителите на одлуки, подобрување на стратешкото планирање, ефикасна распределба на ресурси, полесна интеграција со други системи, зајакната безбедност и намалување на трошоците за одржување.
Активност 2: Воспоставување систем за управување со земјоделско земјиште во државна сопственост
Оваа активност се фокусира на дигитализација и ефикасно управување со државното земјоделско земјиште преку развој на национален ГИС-базиран регистар. Системот ќе ги интегрира податоците од МЗШВ, катастар, локалните самоуправи и други релевантни институции, овозможувајќи подобра распределба и контрола на земјишните ресурси. Информацискиот систем ќе поддржи транспарентност, ефикасност и автоматизација на процесите поврзани со користењето на земјоделското земјиште, вклучително и планирање, издавање договори и остварување приходи од ресурсите.